na VS ŋa

 Anufɔ 101

na vs ŋa 

 Anufɔ nu, "na" ni "ŋa" ti nɔaniɛ barasu nnyɔ wɔ.

"Na" bu koro la ka: (1). u si wara u ni dɛɛ si wara ni. 

E.g., 

a) I *na* biɛsɔ n ato Sika fie ama i.

b) I *na* bara n aba i busu niɛ wɔ.

(2) "na" ti nɔaniɛ nbaa bo i sa nɔaniɛ tintin nnyɔ bo bu kɛrɛ kerewa sɛ.

E.g.,

a) Anufɔm, am bo tanalaifiɛ, koro ni saŋga tana anzama *na* am yaaki tititnu jɔrɛm bo bu su saaki ya Anufɔ asiɛn ni.

b) M ase Kɔmba ka i bra m dika *na* ya fa sɛsɛsu fa kɔ tanalaifiɛ busu.

 Anufɔ nu, *ŋa* ti jɔrɛ se juma yo nɔaniɛ wɔ. Nzen a ŋa a se ka sɔnɔ ase jɔrɛ be i, a fa *ŋa* jɔjɔ i a má*na*.

E.g.,

a) Kɔmna *ŋa* o, Anufɔm kɛrɛ dɔ bu saka nzue.

b) Lamaraya radiyo fɔm*ŋa* Anufɔ ti kun wɔ má n nnyɔ.

Minɛ nya koro ka bu se ka i*ŋa* aŋu ka bu ŋa i *na*. I na sɛ wɔ? ×

           I na wɔ awie i? ×

Kisa bo asi i ni, kaaki u anufɔ ni.

NB: Ahin n ti má sakorowa jɔrɛ o. Am ma ya kan Anufɔ kpa.

Ansɛ.